Skip to content

За проектот

Програмата INTERREG IPA CBC „Грција – Република Северна Македонија 2014-2020“ е програма за прекугранична соработка ко-финансирана од Европската унија во рамките на Инструментот за претпристапна помош (IPA II). Стратешката цел на Програмата е „да се зајакне територијалната кохезија преку подобрување на животниот стандард и можностите за вработување имајќи ја почитта кон животната средина и со користење на природните ресурси за надградба на туристичкиот производ“. Вкупниот буџет на Програмата за периодот 2014-2020 година е 45,470,066,00 €.

Проектот I-TOUR финансиран со оваа Програма, вклучува широка платформа на јавни, приватни, граѓански, академски институции и медиумски засегнати страни во справувањето со проблемот на непостоечки прекуграничен одржлив и конкурентен туристички производ. Прекуграничните региони Пелагонија, Лерин и Солун претставуваат изобилство на природни, антрополошки и културни добра кои остануваат релативно непознати за домашните и странските потенцијални туристи. Главната цел на проектот е да придонесе за подобрување на севкупниот развој на прекуграничните региони Пелагонија, Лерин и Солун преку зајакнато и одржливо искористување на нивните туристички потенцијали. I-TOUR за прв пат ќе ги мапира сите туристички потенцијали, ќе развие, оценува, подобрува и промовира прекугранични туристички производи подготвени за пласман на домашен и меѓународен пазар. Главните резултати на проектот ќе бидат три производи за прекуграничен авантуристички туризам развиени, тестирани, оценувани од прекуграничен турист и промовирани на национално и меѓународно ниво.

Кои се корисниците?

Бенефит од проектот ќе имаат најмалку 400.000 граѓани во Пелагонија, и регионите на Лерин и Солун, во кои најмалку 30.000 живеат во рурални области. Корисници на проектот во туристичкиот сектор ќе бидат најмалку 100 даватели на услуги, 10 туроператори, 15 единици на локална самоуправа, 50 граѓански организации, 3 институции за зачувување на културата и 5 заштитени области. Проектот I-TOUR ќе даде силна вредност за вклучување на сите засегнати страни во туристичкиот сектор, вклучително општини, региони, факултети, хотели, мотели, Б&Б, туроператори, туристички водичи, заштитени области, културни институции, истовремено предвидувајќи јасни интервенции во туризмот самиот производ.

Активностите на проектот се одвиваат во Пелагонискиот регион (општини Битола, Прилеп, Ресен, Крушево, Демир Хисар, Новаци, Могила, Кривогаштани и Долнени), регионот на Лерин и регионот на Солун. Сите овие региони имаат активни рурални заедници кои ја чуваат традицијата како што беше пред многу векови, но сепак се стремат кон подобра локална економија. Исто така, проектните активности географски ќе бидат насочени кон Националниот парк Преспа и Националниот парк Пелистер. Факултетот за туризам и угостителство во Охрид, сместен во меѓународно развиена област за туризам, ќе обезбеди дополнително знаење за развој на конкурентни производи за туризам и искористување на одржливите туристички потенцијали. Целокупната целна област на проектот соседи преку една државна граница.

Целна област на изобилството на проектот со туристички потенцијали: повеќе од 500 археолошки локалитети, повеќе од 20 активни и привлечни села, десетици заштитени места, природни езера, редок биодиверзитет, флора и фауна и граѓани со гостопримливи манири. Областа на проектот, исто така, ги опфаќа и поголемите градови (Солун, Битола, Охрид) со одлична патна мрежа и близина на три меѓународни аеродроми. Близината на прекуграничните региони и екстремната концентрација на природно, културно и историско наследство ги прави совршена локација за развој на заеднички туристички производ што ќе биде привлечен за домашните и меѓународните туристи. Современите трендови во туризмот бараат туристички производи кои ги надминуваат државните граници и наместо тоа нудат уникатно искуство. Пелагонија, Лерин и Солун имаат потенцијал за обезбедување такво искуство.

Националниот парк „Пелистер“ во рамки на овој проект, за своите посетители го реализираше и  обезбеди следното:

  • GPS уреди за следење и комуникација, наменети за поединци и групи кои сакаат да го истражуваат паркот во сите негови делови, посебно оние малку посетени и каде нема никаков друг начин за комуникација. Со овие уред, посетителот секогаш може да ја одреди својата положба, но и да испрати сигнал за помош во случај на потреба.
  • tour guide уреди – наменети се за индивидуална употреба со соодветни слушалки. Користат аудио водич систем со мануелна селекција на снимениот материјал. Корисникот самиот одлучува на кој јазик ќе ги слуша информациите, односно за кој експонат (според бројот поставен на него).
  • Wi-Fi пристап на места каде нема GSM покривање – на одредени локации поставени се уреди со сопствено напојување кои овозможуваат бесплатен Интернет пристап и користење на оваа апликација. Ова е посебно важно на оние места каде нема можност за поврзување на мрежата за мобилна телефонија.
  • опрема за симултан превод на два јазици е инсталирана во конференциската сала на Инфо центарот, со што таму ќе може да се одржуваат настани со меѓународно учество.
  • два двогледи се поставени на атрактивни локации со кои може да се набљудува природата и животот во паркот
  • panic button – уреди за испраќање сигнал за помош

Користењето на сите овие уреди е бесплатно, а барање и резервација се поднесува со најавување на оваа апликација.

Со средствата од овој проект набавено е и теренско возило за потребите на Националниот парк.